Larg panikut për situatën gripale që ka kapur vendin. Bëhet fjalë për një situatë virozësh të cilat mund të parandalohen edhe me anë të disa trukeve që ne mund t`i bëjmë në shtëpitë tona pa patur nevojë të shkohet te mjeku, farmacia po edhe te spitali, ku dihet se janë më të frikshëm se vetë sëmundja , sidomos në vendin tonë. Ekspertët e çështjeve gripale për këtë situatë hedhin dritë mbi një sërë të dhënash që përbëjnë masat korrekte kundër koronavirusit dhe një prej tyre janë edhe çajërat, lëngjet e frutave dhe uji.
Zyrtarët mjekësorë në të gjithë botën iu bëjnë thirrje qytetarëve që të kujdesen dhe të marrin masat mbrojtëse ndaj këtij virusi. Së pari duhet të kuptohet se simptomat e koronavirusit, i quajtur SARS-CoV, janë shumë të ngjashme me virusin sezonal. Ato përfshijnë probleme me frymëmarrje, kollë, vjellje dhe temperaturë. Në disa raste më serioze, ky virus mund të shfaqë edhe simptoma më të rënda siç janë tek personat me pneumoni, sindromë akute respiratore dhe ata me probleme me veshkat.
Disa nga ushqimet, të cilat duhet t’i përdorni për t’i parandaluar viruset janë ato, të cilat kryesisht përmbajnë vitaminë C. Disa nga këto produkte janë, sipas mjekëve janë çaji i xhenxhefilit, portokalli, uji, boronicat, domatet, limoni, kivi, grejpfruti! Njerëzit kanë aftësi të marrin në duar fatet e veta në momentin kur kujdesen për të patur një trajtim me mjete bio që janë lehtësisht të gjendshme edhe në tregjet tona. Në fakt përveç tyre një element mjaft i domosdoshëm që nuk duhet të mbesë jashtë vëmendjes së qytetarëve në këtë kohë janë supërat dhe përdorimi i hudhrës! n.k/Fjala.al/
