Papa Françesku është detyruar të anulojë një takim me klerikët e tjerë në Romë pasi ai pati simptoma të një sëmundjeje të lehtë.
Vatikani tha se Papa 83 vjeç pati simptoma sëmundjeje dhe kjo ishte arsyeja pse ai nuk mori pjesë në ngjarjen në bazilikën e Shën Gjonit Lateran në Romë të enjten në mëngjes.
Një zëdhënës tha se Françesku do të vazhdonte me pjesën tjetër të axhendës së tij gjatë ditës, por preferoi të qëndronte brenda Vatikanit sesa të udhëtonte nëpër qytet.
Nuk kishte asnjë fjalë nga Vatikani për natyrën e sëmundjes së tij, por Papa u pa duke kollitur gjatë meshës Ash Wednesday.
Ai u sëmur një ditë pasi u takua me një grumbull njerëzish në sheshin e Shën Pjetrit, duke thënë se solidarizohej me ata që vuanin nga koronavirusi.
Italia aktualisht gjendet në kaosin e shpërthimit të koronavirusit që ka izoluar shumë qytete.
Papa argjentinas në përgjithësi ka gëzuar shëndet të mirë. Ai humbi një pjesë të mushkërisë kur ishte i ri për shkak të një sëmundje të frymëmarrjes, dhe vuan nga nervi shiatik, dhe kjo ia vështirëson atij ecjen./Fjala.al/Burimi:DailyMail
