Ish-kryeministri Sali Berisha ka reaguar për ndalimin e botuesit Henri Çili. Sipas tij, ky akt dhe fshehja e emrit të zyrtarit të lartë të narkoprokurorisë, tregon fytyrën kriminale të drejtësisë shqiptare.
“Arrestimi i Çilit me urdhër të Edvin Mafise dhe fshehja e emrit të zyrtarit të lartë nga narkoprokurori po me urdher te tij ne dosjen Çili, tregon fytyrën kriminale të drejtësisë së narkoshtetit shqiptar.
Afera Çili i hoqi çdo pete lakrorit për ndonjë që ka patur ndonjë iluzion për pseudo reformën dhe pavarësinë e sistemit të drejtësisë, pra vendosjen e kësaj te fundit totalisht ne kontroll politik. Nga dje gjer sot komentet kane qene te shumta për këtë akt mafioz flagrant te narkodrejtesise ne narkoshtetin shqiptar.
Personalisht kam mbështetur dhe do mbeshtes çdo perpjekje per zbatimin e drejte dhe te paanshem te ligjit ndaj çdo njeriu. Por dënoj si standart kriminal dhe mafioz aplikimin e dy standarteve ne zbatimin e tij”, shkruan mes të tjerash në postimin e tij ish kryeministrit Sali Berisha.
