Gjykata e Durrësit ka lënë në burg vrasësin e gruas së tij, 63-vjeçarin Ruzhdi Tosuni. Atij iu dha masa e sigurisë ‘arrest ne burg’, pasi Tosuni la të vdekur gruan e tij Hajdije Tosuni, 59 vjeçe.
Konflikti mes çiftit të bashkëshortëve kishte filluar prej disa ditësh, pasi 63 vjeçari dyshonte se e ndjera e tradhtonte.
63-vjeçari ka shkuar pranë byrektores në qytetin e Durrësit, ku punonte Hajdija dhe pasi janë konfliktuar me njëri-tjetrin, burri e goditi gruan me levë hekuri duke e lënë të vdekur në vend.
