Papa Françesku është parë për herë të fundit të dielën e kaluar dhe në një njoftim të bërë është thënë se një ftohje e ka ndaluar atë të marrë pjesë në takimet e planifikuara.
Me një njoftim zyrtar, sipas CNN, Vatikani bëri të ditur se Papa ishte sëmurë lehtë, por nuk iu përgjigj pyetjeve nëse ai ishte testuar apo jo për koronavirus.
Burime zyrtare thanë se ai po mban takime private në rezidencën e tij dhe se do të vijonte mos të dilte në publik edhe për disa ditë të tjera.
Njoftimi për sëmundjen e Papa Françeskut erdhi një ditë pasi ky i fundit u pa duke takuar e puthur në ballë disa besimtarë dhe duke u lutur për shërimin e të prekurve nga koronavirusi.
