Sot në mesditë, rreth orës 12:00, Komisioni Evropian pritet të publikojë raportin mbi ecurinë e reformave që ka kryer deri më tani Shqipëria.
Komisioni Evropian pritet t’i japë vendit tonë një rekomandim pozitiv ashtu siç rezultoi edhe vitin e kaluar, edhe pse nuk u arrit hapja e negociatave mes Shqipërisë dhe Bashkimit Evropian.
Çështja e negociatave, ndryshe nga viti i kaluar ku Shqipëria dhe Maqedonia mbetën jashtë këtij procesi mund të marrë një kthesë pozitive.
Ndërkaq, Komisioneri për Zgjerimin, Oliver Varhelyi, është shprehur se shpreson që me raportet që Komisioni do të publikojë për të dy vendet, të binden të gjithë anëtarët e bllokut evropian.
Shqipërisë dhe Maqedonisë së Veriut iu mohua hapja e negociatave vitin e kaluar pasi Franca dhe një grup i vogël vendesh kërkuan reforma brenda bllokut evropian./Fjala.al/
