Shqipëria pranë negociatave, zbardhet presioni që po bën Macron

113 563 lexime

124,178FansaPëlqeje

Ndaj Shqipërisë dhe disa vendeve të tjera është ushtruar presion diplomatik nga Franca për të shpejtuar procesin e deportimit të shtetasve që u refuzohet azili. Franca është vendi i BE-së ku shqiptarët kanë paraqitur numrin më të lartë të kërkesave për azil. Një çështje e tillë rivjen në vëmendje dy javë para vendimit për negociatat pranimit të Shqipërisë me BE-në.

Franca ka ushtruar presion diplomatik ndaj Shqipërisë dhe disa vendeve të tjera për të përshpejtuar proceduarat e deportimit të shtetasve të cilëve u refuzohet azili. Fakti zbulohet nga një investigim i televizionit francez France 24 që thotë se deportimi është një proces i gjatë dhe i kushtueshëm.

Shpesh herë vështirësia lidhet me refuzimin e shtetasve për të bashkëpunuar me autoritetet apo ngadalësia e personelit konsullor të vendeve të origjinës për të plotësuar dokumentet e nevojshme për të deportimin e detyruar.

Sipas televizionit France 24, kjo çështje është kthyer në një përparësi për presidentin Emmanuel Macron, i cili nga ana tjetër i ka kërcënuar disa vende me kundërmasa në rast se nuk bashkëpunojnë.

“Unë kam emëruar një ambasador të posaçëm përgjegjës për imigracionin dhe negociatat me shtete të ndryshme dhe u kam thënë të gjitha vendeve: Unë nuk do të jap më viza,” citohet Macron-i.

Ora News mësoi se ngurimi i Shqipërisë për të bashkëpunuar më tepër se me lëshimin e lejeve të kalimit, lidhet shpenzimet që duhen për deportimin. Një pjesë e shpenzimeve duhet të mbulohet nga vendet e origjinës së personave që deportohen. Kërcënimi duket se funksionoi dhe autoritetet e vendeve të ndryshme e kanë rritur numrin e lejeve të kalimit për qytetarët që të deportohen. Lëshimi i këtyre lejeve u rrit nga 36 për qind në vitin 2017 në 58 për qind në 2019-n.

Lexo edhe :  Listat/ Meta shkon në Fier. Dule te Beleri, Idrizi e Mediu në Tiranë

Franca është vendi i BE-së ku shqiptarët kanë paraqitur numrin më të lartë të kërkesave për azil. Sipas Agjencisë Europiane për Mbështetjen e Azilit, gjatë tremujorit të tretë të vitit 2019, 1835 shtetas shqiptarë kërkuan azil në Francë.

Në përgjithësi Franca është vendi që merr më shumë kërkesa për azil se çdo anëtar tjetër i Bashkimit Europian. Vitin e kaluar autoritet morën gjithsej 133 mijë kërkesa për azil, 7.3 për qind më shumë nga një vit më parë. Në rritje janë gjithashtu deportimet e detyruara të të huajve të cilëve u është refuzuar leja e qëndrimit.

Të fundit

Zgjedhjet/ Rama vijon sot mbledhjen me ministrat dhe drejtuesit politikë të qarqeve

Kryeministri Edi Rama vijon sot mbledhjen me ministrat dhe drejtuesit politikë të qarqeve. Mbledhja do të nisë rreth orës 14:00 në...

Rinisja nga zeroja: Shumë grave u mohohet pasuria e përbashkët gjatë divorcit

Në një banesë njëdhomëshe në Prishtinë, ka disa muaj që Jehona jeton me qira. Ajo mban dy punë për t’i mbuluar shpenzimet e saj...

Aktori u gjet i pajetë në banesë së bashku me gruan, zbulohet shkaku i vdekjes së çiftit

Është zbuluar shkaku i vdekjes së aktorit legjendar, Gene Hackman, dhe gruas së tij Betsy Arakawa. Sipas asaj që shkruan Reuters çifti i bashkëshortëve vdiqën për shkaqe natyrale....

‘Me çfarëdo çmimi qoftë’: investimet historike në Gjermani

Gjermania reagon me shpejtësi ndaj ndryshimeve gjeopolitike në botë e nxit edhe Brukselin. Friedrich Merz rikthen me guxim Gjermaninë në pozicion lidershipi, shkruan Auron...

Berisha për median greke: Shqipëria nuk i plotëson kriteret për BE

Kryetari i Partisë Demokratike, Sali Berisha, deklaroi në një intervistë për median greke “Liberal”, se Shqipëria nuk i plotëson kriteret për t’u anëtarësuar në...

Lajme të tjera

Web TV