25 persona kanë humbur jetën, dhjetra të tjerë janë plagosur dhe rreth 50 mijë familje kanë mbetur pa energji elektrike, si pasojë e tornados që goditi rajonin qendror të Tennessee dhe Nashville të hënën.
Sipas autoriteteve lokale, siç raportohet nga NBC News, personat që kanë humbur jetë ishin banorë në këto katër qarqe: Nashville, Putnam, Benton dhe Wilson. Numri i vdekjeve mund të rritet në orët në vijim, siç konfirmohet edhe nga Guvernatori Bill Lee, i cili ka shpallur gjendje të jashtëzakonshme.
“Ne kemi humbur jetë njerëzish në të gjithë shtetin,” shpjegoi ai, duke bërë të ditur se përveç vdekjeve të konfirmuara, “ka njerëz të zhdukur“. Sipas një vlerësimi fillestar bëhet fjalë për rreth 45 banesa të shembura.
“Dua të dërgoj ngushëllimet e mia për njerëzit e Tennessee pas tornados së tmerrshme që e goditi”, tha Presidenti Donald Trump, duke njoftuar se ai do të vizitojë shtetin më vonë gjatë javës./Fjala.al
