Presidenti i Turqisë Rexhep Taip Erdogan ka një lidhje të veçantë me shqiptarët teksa vetë kreu i shtetit turk e ka shprehur herë pas here.
Por, që në fakt ka një histori që qëndron pas gjithë kësaj. Në fakt arsyeja e vërtetë e këtij afrimiteti është jetesa e tij për 3 muaj në një qytet shqiptar, Tetova.
Ky detaj mjaft interesant është treguar nga kreu i Partisë Demokratike Shqiptare në Maqedoninë e Veriut, Menduh Thaçi gjatë një interviste në emisionin e T7.
Sipas rrëfimit, rreth 21 vite më parë- para se të zgjidhej kryeministër e më pas President- aso kohe kryetar i Stambollit, Erdogan u dënua me 10 muaj burg për nxitje të dhunës dhe të urrejtjes fetare e racore.
Ish-numri një i Stambollit vuajti dënimin për 4 muaj, nga 24 marsi deri më 27 korrik të vitit 1999, dhe më pas shkoi të jetonte 3 muaj në Tetovë.
