Një aksident i rëndë ka ndodhur paraditen e sotme në Librazhd, ku si pasojë e përplasjes së dy automjeteve kanë mbetur të plagosur pesë persona.
Ngjarja ka ndodhur në vendin e quajtur “Kthesat e Murrashit”, në aksin rrugor Librazhd- Elbasan.
Sipas policisë, personat e plagosur kanë marrë plagë të shumta, por për fat të mirë të gjithë janë jashtë rrezikut për jetën.
Bëhet fjalë për 4 gra dhe 1 burrë, dy prej të plagosurve janë nga Maqedonia e Veriut.
Të plagosurit janë:
Bashkëshortët Xhevdet dhe Lirie Hajredini, 80 dhe 73 vjeç nga Shkupi
Sadete Balla 51 vjeçe nga Babrruja, Tiranë
Zeje Koçi, 50 vjeçe dhe Angjela Koçi 16 vjeçe nga Librazhdi
Neki Balla, 55 vjeç, bashkëshorti i 51-vjeçares nga Babrruja nuk ka dëmtime.
Ndërkohë, grupi hetimor ndodhet në vendngjarje dhe po punon për zbardhjen e shkakut të aksidentit./fjala.al
