Ministria e Shëndetësisë, Ogerta Manastirliu dha informacione të detajuara për dy personat e infektuar me koronavirus që u indetifikuan ndërsa arritën në Shqipëri.
Dy personat e konfirmuar me koronavirusin e ri, Covid-19, babë e bir, 54-vjeç dhe 28-vjeç kanë qëndruar disa ditë në qytetin italian të Firences dhe më pas kanë udhëtuar me automjetin e tyre në rrugë tokësore drejt Shqipërisë.
Të dy personat pasi kanë shfaqur simptomat kanë telefonuar në numrin e vendosur nga Ministria e Shëndetësisë, 127, i janë marrë mostrat, dhe pasi janë testuar në laboratorin e virologjisë në ISHP, janë konfirmuar pozitivë.
Ministria shpjegoi se dy rastet e konfirmuara, janë në gjendje të qëndrueshme dhe po trajtohen në spitalin infektiv./Fjala.al
