Futbollisti shqiptar i cili luan tashmë me përfaqësuesen e Kosovës duket se është i rrezikuar nga koronavirusi.
Amir Rrahmani, u ndesh me futbollistin italian ditën e diel, Gabbiadinin, i cili rezultoi pozitiv me koronavirus dhe si rezultat skuadra e Veronës ka mbyllur gjithë skuadrën në karantinë.
Manolo Gabbiadini është futbollisti i dytë në Serinë A që ka dalë pozitiv në testin e koronavirusit pas atij të Juventusit, Daniele Ruganit.
Këtë e ka konfirmuar edhe vetë klubi italian, i cili e ka vendosur gjithë skuadrën në karantinë. Katër ditë më parë, të dielën e 8 marsit, Gabbiadini ishte titullar në fitoren e Sampdorias 2-1 ndaj Hellas Veronës.
Gabbiadini është përballur gjatë ndeshjes në shumë duele me Amir Rrahmanin por edhe me lojtarë të tjerë, që mund të jenë të rrezikuar.
Gjithashtu, tek Verona aktivizohet edhe mbrojtësi tjetër shqiptar Marash Kumbulla. Por që në këtë ndeshje ishte në stol. Pas këtij rasti janë pezulluar të gjitha ndeshjet e Serisë A. Përveç Veronës edhe klubi i Sampdorias është në karantinë të plotë, ndërsa një gjë të tillë e kanë bërë edhe Juventus e Inter.
