Numri i të prekurve nga koronavirusi në Maqedoninë e Veriut ka arritur në 13, nga të cilët vetëm një prej tyre është shëruar plotësisht.
Presidenti i Maqedonisë së Veriut, Stevo Pendarovski theksoi se të hënën do të mbledhë Këshillit të Sigurisë, për të diskutuar rreth masave ndaj koronavirusit.
Sipas tij, mbetet mundësi e hapur edhe shpallja e gjendjes së jashtëzakonshme. Ndërkohë ministria e Shëndetësisë së Maqedonisë së Veriut u ka bërë thirrje qytetarëve që të mbeten të izoluar në shtëpi dhe të respektojnë masat e Organizatës Botërore të Shëndetësisë, për parandalimin e përhapjes së koronavirusit.
Ministri i shëndetësisë, Venko Filipçe njoftoi se “qeveria ka miratuar shpalljen e gjendjes së krizës në Dibër dhe Qendër të Zhupës” ku është numri më i madh i të infektuarve.
Gjithashtu, fushata për zgjedhjet e parakohshme parlamentare do të zhvillohet vetëm përmes mediave duke shmangur çdo lloj tubimi parazgjedhor.
Maqedonisë iu bashkua edhe Kosova e cila evidentoi para pak minutash dy raste të para me koronavirus. Ndërsa mbetet i paprekur në Ballkan vetëm Mali i Zi.
Deri më tani në gjithë botën, në total janë: 135,232 njerëz të infektuar, 4,981 të vdekur dhe 69,645 të shëruar.
