Shqiptarët janë detyruar prej disa ditësh, sikurse edhe italianët, të izolohen nëpër shtëpitë e tyre, për t’u ruajtur nga pasojat vdekjeprurëse të virusit Covid-19.
E teksa përditshmëria ka marrë tjetër formë, lind pyetja se si mund të kalohen disa ditë brenda në banesë, jo detyrimisht duke parë veçse filma, seriale, apo duke lundruar në internet.
Sipas “Fast Company”, Google Arts & Culture ka bashkëpunuar me mbi 500 muzeume dhe galeri në të gjithë botën për t’i sjellë kujtdo ture virtuale të disa prej muzeumeve më të famshëm në planet.
Koleksioni përmban Muzeun Britanik në Londër, Muzeun e Van Gogh në Amsterdam, Guggenheim në Nju Jork dhe shumë vende të tjera ku mund të merrni njohuri mbi artin, historinë dhe shkencën.
Për të parë koleksionet klikoni këtu.
