Rreziku nga koronavirusi ka bërë që të lirohen nga burgjet rreth 85 mijë të burgosur. Midis të burgosurve të liruar janë edhe të burgosurit politikë
Zëdhënësi i Ministrisë së Drejtësisë, Gholamhossein Esmaili, është shprehur se gjysma prej tyre ishin të burgosur për “shkak të konflikteve të vogla dhe shkeljeve të ndryshme të ligjit”.
Sipas tij, janë ndërmarrë veprimet e duhura për t’u përballur me përhapjen e mëtejshme të koronavirusit.
Nga ana tjetër, Organizata e Kombeve e Bashkuara ka theksuar se të burgosurit tashmë janë të infektuar për shkak të mbipopullimit të burgjeve në Iran dhe sëmundjeve që kanë shpërthyer më herët brenda qelive nga mungesa e pastërtisë, ndërsa ka bërë thirrje që të gjithë të burgosurit politikë të lirohen.
Irani nuk ka komentuar nëse të burgosurit do të rikthehen sërish nëpër burgje, por një veprim i tillë mund të ndërmerret sapo gjendja në vend të jetë më e sigurt nga koronavirusi
