Një spital në Kosovë i ka bërë një thirrje paksa të pazakontë politikanëve. Spitali i Gjakovës “Isa Grezda” u ka kërkuar atyre të qëndrojnë larg insitucioneve shëndetësore.
Nëpërmjet një statusi në rrjetet sociale, Spitali i Përgjithshëm Gjakovë shkruan se spitalet kanë nevojë për maska dhe mjete të tjera, e jo që të shkojnë politikanët e të harxhojnë maskat për foto.
“Të nderuar politikanë,
Jemi në situatë emergjente për shëndetin publik në nivel kombëtar, si rrjedhojë e kësaj apeloj të klasa politike të qëndrojnë sa më larg Institucioneve Shëndetësorë. Kemi nevojë për maska, mantilla, dezificent për duar, NUK kemi nevojë për vizitat tuaja boshe, mos ejani në institucione shëndetësorë për foto, mos na shpenzoni maska apo mantilla kot, respektojeni ligjin e emergjencave. Zyra për informim
Spitali i Përgjithshëm Gjakovë,”- shkruhet në status.
