Turqia ka konfirmuar vdekjen e parë nga koronavirusi në vend, ku një 89-vjeçar ka ndërruar jetë mbrëmjen e djeshme.
Ministri turk i Shëndetësisë, Fahrettin Koca, njoftoi se në Turqi janë evidentuar 51 raste të tjera me koronavirus duke e çuar numrin e të prekurve në 98, shkruan AnadolyAgency.
Numri i rasteve aktive është mbi 107 mijë, 93 për qind e të cilëve janë në gjendje të qëndrueshme dhe 7 për qind në gjendje kritike.
Organizata Botërore e Shëndetësisë (OBSH) ka shpallur Evropën epiqendër të re të koronavirusit të njohur zyrtarisht si COVID-19, pasi fillimisht epiqendra ishte qyteti kinez Wuhan, ku u shfaq në muajin dhjetor.
Ndërkaq, Italia është vendi evropian më i goditur nga koronavirusi. Në nivel global, koronavirusi ka infektuar rreth 180,000 persona dhe 7,000 të tjerë kanë ndërruar jetë, ndërsa 80 mijë persona janë shëruar.