Ambasadorja e SHBA-së në Tiranë, Yuri Kim thotë se, Shqipëria është përfshirë nga SHBA në listën e shteteve që do të ndihmohen në luftën kundër koronavirusit. Sipas ambasadores, vendi ynë do të përfitojë nga ndihma prej 100 milionë dollar që SHBA do të vendosë në dispozicion të disa shteteve.
“Shtetet e Bashkuara kanë premtuar deri në 100 milionë dollarë për të ndihmuar miq si Shqipëria dhe vende të tjera për të luftuar COVID-19. Kjo mbështetet në asistencën më të gjerë që ka ndihmuar në ngritjen e kapaciteteve dhe forcimin e infrastrukturës. Ne do t’ia dalim së bashku – si gjithmonë. Jemi ende me Shqipërinë”, shkruhet në faqen e Ambasadës së SHBA-së.
Aktualisht numri i personave të prekur nga Covid-19 në vendin tonë ka arritur në 70.
