Mes presidentit të Kosovës Hashim Thaçi dhe kryeministrit Albin Kurti, nuk ka asnjë marrëveshje rreth shpalljes së gjendjes së jashtëzakonshme si masë për të përballuar situatën e krijuar me Covid-19.
Ndërkohë që Thaçi insiston se duhet shpallur gjendje e jashtëzakonshme, një gjë të tillë nuk mbështetet nga kryeministri Albin Kurti.
Qeveria e Kosovës është shprehur se insitucionet e vendit janë duke u menaxhuar mirë pas përhapjes se koronavirusit në Kosovë.
Sipas zyrtarëve të Qeverisë, ende nuk janë mbaruar të gjitha mundësitë për tu përballur me rrethanat aktuale.
Erzen Vraniqi, këshilltar politik i kyreministit Albin Kurti tha për Radion Evropa e Lirë, se rrethanat për gjendje të jashtezakonshme janë vetëm atëherë kur janë mbaruar të gjitha potencialet dhe institucionet nuk mund të përballen me situatën e krijuar.
“Deri më tani institucionet po menaxhojnë plotësisht me situatën. Potenciali edhe njerezor, edhe spitalor, edhe i sigurisë, edhe i furnizimeve me prodhimet kryesore, qoftë ushqimore, qoftë higjienike është në nivel të kënaqshëm”, tha Vraniqi./fjala.al
