Giorgio Gori, kryebashkiaku i qytetit të Bergamos, qytetit më të prekur nga koronavirusi në Itali, ka treguar se po i sjell vajzat e tij në Itali pasi ai nuk e sheh Britaninë e Madhe si një vend të sigurt.
Giorgio Gori, kryetari i Bergamos në veri të Italisë, tha se ai mori vendimin për të sjellë vajzat e tij në shtëpi nga shkolla në Taunton dhe Canterbury pasi sipas tij qeveria e Mbretërisë së Bashkuar nuk po merr seriozisht kërcënimin e koronavirusit.
Aktualisht Britania numëron 335 vdekje nga koronavirusi dhe është thuajse në të njëjtën pozitë me atë që Italia ishte dy javë më parë kur miratoi një bllokim në mbarë vendin dhe ndaloi njerëzit të lëviznin në rrugë pa një arsye të vlefshme.
Nga ana tjetër, kryeministri i Britanisë, Boris Johnson deri më tani ka injoruar thirrjet për të marrë të njëjtat masa si Italia.
