Për të ndihmuar Ballkanin Perëndimor në luftën kundër koronavirusit, Bashkimi Evropian do të jap 30 milionë euro.
Komisioneri për Zgjerim dhe Fqinjësi, Oliver Varhelyi, me anë të një postimi në Twitter, shprehet se përveç hapjes së negociatave, BE në të njëjtën kohë do të mbështesë Ballkanin Perëndimor me 30 milion euro për pajisje mjekësore.
“Në të njëjtën kohë ne punojmë shumë për të mbështetur Ballkanin Perëndimor në përgjigjen kundër Koronavirusit.
Ne mobilizuam 30 milion € për mbështetje të shpejtë për pajisjet mjekësore dhe po shqyrtojmë masa për të zbutur ndikimin negativ ekonomik të kësaj krize.” shkruan Varhelyi.
