Franca ka vendosur për mbylljen e të gjitha tregjeve të hapura të ushqimeve ditën e sotme, deklaroi kryeministri Edouard Philippe.
Ky vendim sipas Philipe ka ardhur si një masë shtesë në luftën kundër koronavirusit, pasi shifrat janë duke u rritur frikshëm.
”Kjo si një efekt i shtuar në luftën kundër koronavirusit të ri”,-u shpreh ai. ai.
Në një komunikim me televizionin francez, TF1 ai gjithashtu tha se do të forcojë rregullat e bllokimit në lidhje me daljet për vrapim, që tani do të kufizohen në një maksimum prej një ore, një herë në ditë, dhe brenda një kilometri larg shtëpisë.
”Do të mundësojmë që autoritetet lokale të autorizojnë tregje vetëm atje ku ato janë të nevojshme dhe që mund të mbahen në mënyrë të sigurtë, siç janë në fshatrat e vegjël, që janë e vetmja mënyrë që vendasit të marrin prodhime të freskëta”,- tha ndër të tjera Philipe./Fjala.al/
