Në botë ka dhe të pabindur ndaj masave që ka marrë qeveria e tyre për pandeminë e koronavirusit.
Policia e Katalonjës njoftoi për arrestimin e tetë personave të akuzuar për trafik droge, si edhe për organizimin e një orgjie, në një shtëpi të qytetit, gjatë pandemisë së koronavirusit.
Sipas raportimeve të medias spanjolle, orgjia ishte organizuar nga rreth 20 persona, por deri në atë moment vetëm tetë prej tyre ishin paraqitur në apartamentin e zonës Carrer Casp, të kryeqytetit katalan. Mësohet se apartamenti ishte marrë me qira, si shtëpi “turistike” nga njëri prej pjesëmarrësve.
Policia ushtroi kontroll ndaj të gjithë personave, por ndaj njërit që shfaqte kollë, aplikoi tampon testimi, por rezultatet ishin negativ. Më pas grupi u arrestua dhe tashmë akuzohen për shkelje të gjendjes së jashtëzakonshme, të shpallur nga qeveria, si edhe për përdorim dhe zotërim drogërash.
