Mbrëmjen e sotme, një vilë 3-katëshe është përfshirë nga zjarri në rrugën ‘Siri Kodra’ pranë shinave të trenit, në kryeqytet.
Mësohet se flakët kanë rënë në pjesën e çatisë së vilës, ndërsa forcat zjarrfikëse kanë shuar flakët.
Nga flakët fatmirësisht nuk ka pasur persona të lënduar, por vetëm dëme materiale në pjesën e çatisë.
Për shuarjen e flakëve u angazhuan 3 zjarrfikëse ndërsa po punohet për zbardhjen e shkakut të rënies së zjarrit.
