Rihanna ka dhuruar 5 milion dollarë për të luftuar emergjencën e koronavirusit. Këngëtarja më e pasur në botë ka menduar jo vetëm për të moshuarit që rrezikojnë më së shumti, por edhe për mjekët dhe punonjësit e shëndetit që punojnë në vijën e parë të luftës.
“Pavarësisht kush jeni dhe nga vini, kjo pandemi mund të prekë këdo. Më e keqja mund të jetë rrugës”- ka shkruar Rihanna. Ajo e ka dhuruar këtë shifër marramendëse përmes fondacionit të saj jofitimprurës, “Clara Lionel”, e cila mban emrin e gjyshes së ndjerë.
Në vazhdën e artistëve të sensibilizuar, është edhe çifti hollivudian Blake Lively dhe Ryan Reynolds. Ato kanë dhuruar 1 milion dollarë për të ndihmuar të moshuarit dhe të varfrit, kontribuar në blerjen e veshjeve mbrojtëse për mjekët dhe infermierët, si dhe për të mbështetur bankat ushqimore që veprojnë në vendet më të varfra në botë si Haiti dhe Malawi.
Fjala.al
