Një tërmet i fuqishëm me magnitutë 7.5 ka goditur ishujt Kuril në veri të oqeanint Paqësor. Pjesë e shtetit rus, lëkundjet në Kuril u regjistruan në orën 3.49. Aktualisht nuk raportohet për persona të lënduar, edhe pse goditja ishte e madhe.
Menjëherë pas tërmetit, SHBA-të dhanë paralajmërim për Havain për mundësinë e goditjes nga një tsunami, por më pas paralajmërimi u tërhoq. Ndërkohë që në Japoni, territor pranë epiqendrës, nuk pati paralajmërim për tsunami.
Lëkundjet janë ndjerë të forta në të gjithë lindjen e Azisë, madje deri në Indonezi, si dhe në perëndim të Amerikës.
