Kroacia ka ndërmarrë masa të rrepta për mospërhapjen e koronavirusit, ku deri më tani kanë ndërruar jetë vetëm 2 persona ndërsa të infektuar numërohen rreth 481.
Nga ana tjetër, shumë shtete të botës janë goditur keq nga koronavirusi, ku bilancet më tragjike shënohen në Itali dhe Spanjë.
Por Kroacia ka një kurbë të ulët krahasuar me numrin e të infektuarve. Ditën e sotme ndërroi jetë një tjetër person i infektuar nga COVID-19 duke e çuar numrin e të viktimave në 2, ndërsa numri i të prekurve është vetëm 481.
Ministri i Shëndetësisë në Kroaci, Vili Beros shprehet i kënaqur me këtë bilanc të ulët. Ai gjithashtu thotë se vetëm një numër shumë i vogël pacientësh të infektuar i janë nënshtruar kujdesit intensiv.
Gjithashtu dhe masat parandaluese të vendosura nga qeveria po zbatohen me përpikmëri nga qytetarët, diçka që e lehtëson më shumë krizën.
