Ministria për Evropën dhe Punët e Jashtme jep lajmin e mirë për shqiptarët që ndodhen në Kroaci. Shqiptarët që nuk mund të kthehen në Shqipëri për shkak të situatës së koronavirusit, Covid-19, nuk do të penalizohen.
E vetmja gjë që duhet të bëjënë është të telefonojnë Rajonin Policor kroat të zonës së tyre dhe të njoftojnë pamundësinë për të udhëtuar drejt Shqipërisë. Në këtë mënyrë do të shmangën problemet në pikat kufitare kur të kthehen në Shqipëri.
Informacion për qytetarët shqiptarë që ndodhen në Kroaci.
Ministria për Evropën dhe Punët e Jashtme informon të gjithë shtetasit shqiptarë që ndodhen në Kroaci dhe që janë të detyruar të tejkalojnë periudhën e lejuar të qëndrimit në hapësirën Schengen për shkak të situatës së Covid-19, se nuk do të penalizohen.
Megjithatë, autoritetet kroate udhëzojnë shtetasit e huaj që të kontaktojnë (vetëm) me telefon Rajonin e Policisë kroat, në zonën e tyre të rezidencës për t’i njoftuar rreth pamundesisë për tu larguar nga territori kroat. Në këtë mënyrë do të shmangen probleme të mundshme në pikat kufitare në momentin kur shtetasit e huaj do të kthehen në vendet e tyre.
