Kreu i grupit parlamentar të PS, Taulant Balla, ka reaguar sa i përket shqetësimit të Lulzim Bashës lidhur me aktin normativ të paketës ekonomike.
Basha u shpreh që ky akt normative do të hyjë në fuqi vetëm në prill kurse në këtë fund marsi, në tryezat e shumë shqiptarëve nuk do ketë as ushqim.
Ndërkohë, nëpërmjet një postimi në rrjete sociale, Balla siguron se të gjitha aktet normative përfshi dhe atë për rishikimin e buxhetit kanë hyrë tashmë në fuqi prej ditës së miratimit kurse në Kuvend vetëm do të shqyrtohet në një mbledhje online.
Reagimi i Ballës:
MIRËNJOHJE ÇDO PUNONJËSI TË SHTETIT PËR SHËRBIMIN NDAJ QYTETARËVE. ME NDIHMËN E ZOTIT NE DO TË DALIM MË TË MIRË DHE MË TË FORTË NGA KJO LUFTË!
MIRË VIRUSI E MIRË GJITHË KY MAL ME HALLE MBI KOKËN E POPULLIT, PO S’TË LE AS 7X7=42-shi ME MASAT FANTASTIKE QË I PËRSËRIT DUKE FOLUR NË GJUMË! AKTI NORMATIV PËR RISHIKIMIN E BUXHETIT DHE TË GJITHA AKTET E TJERA NORMATIVE KANË HYRË NË FUQI PREJ DITËS SË MIRATIMIT TË TYRE DHE SHQYRTOHEN NË KUVEND BRENDA 45 DITËVE./fjala.al
