Ish-drejtoresha e përgjithshme e Organizatës Botërore të Shëndetit, Dr. Gro Harlem Brundtland ka deklaruar se përhapja e pandemisë së Covid-19 është rezultat i mungesës së “gatishmërisë së botës”.
Sipas saj, kjo ishte një katastrofë e paralajmëruar. Brundtland, cila ishte kryeministrja e parë grua e Norvegjisë, është bashkë-kryetare e Bordit të Monitorimit Global të Përgatitjes së OBSH-së dhe Bankës Botërore. Ajo publikoi një raport në shtator të vitit 2019 duke paralajmëruar një “pandemi shumë vdekjeprurëse”.
“Ne pamë boshllëqe të mëdha alarmante në gatishmërinë e botës dhe gjetëm prova bindëse të një kërcënimi shumë të vërtetë. Nuk është vonë, por ne duhet të merremi me faktin se ne jemi tashmë në këtë, që do të thotë t’i kushtojmë vëmendje në mobilizimin e fondeve dhe të jemi të vetëdijshëm për marrjen e pajisjeve që janë të nevojshme”, u shpreh ajo për BBC-në.
