Harta e përhapjes së koronavirusit tashmë është zgjeruar në të gjithë botën. Në rang global janë regjistruar 33,993 viktima, ndërkohë që janë infektuar 723,304 të tjerë. Lajmi i mirë është se 151,801 persona kanë fituar betejën me COVID-19. Kina, e cila është edhe vendi i parë, ku u përhap virusi në 24 orët e fundit ka pasur vetëm 4 viktima.
E infektuar është dhe Europa me Italinë më të prekur. Në Itali kanë humbur jetën 10,777 persona. Ajo pasohet nga Spanja ku kanë humbur jetën 6,803 persona. Edhe Greqia është prekur nga COVID-19, ku aty kanë humbur jetën 39 persona. Ndërsa në Shqipëri deri më tani janë 212 persona të infektuar dhe janë shënuar 10 viktima. COVID-19 është përhapur në Kosovës, ku janë prekur 94 persona dhe është shënuar edhe viktima e parë.
