Një 19- vjeçar italian ka humbur jetën nga koronavirusi pak ditë pasi doktorët i thanë që nuk duhej të shqetësohej pasi ishte i ri dhe do e përballonte sëmundjen me sukses.
Luca Nicola punonte si shef kuzhine në një restorant në Londër së bashku më nënën e tij dhe partneren.
Familja e tij ka bërë me dije se i riu nuk kishte asnjë problem tjetër shëndetësor. Një javë para se të ndërronte jetë kishte kollë dhe ethe.
Gjendja e tij u përkeqësua edhe më shumë dhe doktorët që e vizituan në shtëpi i thanë të mos shqetësohet sepse ai është i ri dhe i fuqishëm dhe do e kalonte këtë sëmundje.
Një ditë ai filloi të ndjente dhimbje në kraharor dhe I kishte buzët e enjtura. Gjysëm ore pasi u dërgua në spital, i riu ndërroi jetë.
