Në Belgjikë ka humbur jetën nga koronavirusi një 12-vjeçare, ka deklaruar për CNN një zëdhënëse e ministrisë belge të shëndetësisë.
Zëdhënësja tha se vajza pa emër vdiq të hënën; ajo nuk pranoi të jepte detaje të mëtejshme në mënyrë që të respektonte privatësinë e familjes.
Emmanuel André, zëdhënësi i qeverisë belge për luftën kundër koronavirusit,foli për këtë rast në një televizion belg.
“Ky është një moment emocionalisht i vështirë sepse prek një fëmijë dhe ndikon gjithashtu në komunitetin mjekësor dhe shkencor. Ne po mendojmë për familjen dhe të dashurit e saj. Është një “ngjarje shumë e rrallë që na shqetëson”, tha André.
