“Kurba tregon se po arrijmë në një lloj pllaje (faza në të cilën maja mbetet e qëndrueshme për një periudhë të caktuar), një e dhënë që na tregon se masat e kufizimeve po funksionojnë”. Kështu u shpreh pasditen e sotme kreu i Institutit të Lartë të Shëndetit në Itali, Silvio Bruzaferro.
Sipas tij me një rënie në 3 zona, veriu vazhdon të jetë ende rajoni me më shumë të prekur, diçka e ndërmjetme me disa mijëra raste, dhe disa zona të tjera që kanë një numër të kufizuar rastesh, me një përhapje më të kufizuar. “Deri më tani, indeksi i ngjitjes së kurbës së koronavirusit, është rreth 1, pra 1 njeri infekton mesatarisht 1 tjetër.
“Synimi ynë është që ky indeks të shkojë nën 1, dhe pastaj të shkojë në zero. Ne duhet ta mbajmë këtë indeks nën 1, rreth 0.5 përmes masave efektive, ndërsa për të arritur vlerën zero të infektimeve do të duhen muaj”-thotë ai. Kreu i Institutit të Lartë të Shendetit në Itali ka shkuar edhe më tej, kur tha se ka vënë re një ulje të rasteve të reja në Lombardi.
Edhe pse shifrat që vijnë nga atje, vazhdojnë të jenë ende të larta. Eksperti gjithashtu vuri në dukje një ulje të rasteve. “Ne kemi arritur në një lloje pllaje të kurbës, por kjo nuk do të thotë se do ta ulim vigjilencën:edhe nëse jemi në rrugë të mbarë, pikërisht tani duhet të menaxhojmë zbritjen e rasteve”- shtoi Bruzaferro.
“Zgjedhjet që duhet të merren nga autoritetet në një kurbë në rënie, duhet të evitojnë në çdo rast humbjen e kontrollit mbi epideminë. Duhet të kuptojmë se sa shpejt zbret kurba. Dhe tani për tani, është e vështirë ta bëjmë këtë në një kohë të shkurtër”- tha ai. Brusaferro foli gjithashtu për rimëkëmbjen – dhe për rëndësinë e testimeve.
“Janë të nevojshme teste më të shpejta për të gjetur antitrupa. Po mendojmë të bëjmë këtë lloj hulumtimi ,duke përdorur teknologji që janë në gjendje ta bëjnë këtë gjë”- theksoi zyrtari italian. Sipas parashikimeve të ekspertëve, kjo është ajo që shpresohej:një situatë në të cilën numri ditor i rasteve të reja, të jetë i qëndrueshëm dhe drejt rënies.
Ky lloj trendi po vihej re prej disa ditësh në Itali, dhe veçanërisht në Lombardi. Në nivelin kombëtar, brenda disa ditësh kaloi nga një rritje ditore prej 6.500 rastesh në rreth 4.000 (dje). “Kulmin” më 31 mars e kishte parashikuar eksperti i famshëm i të dhënave të universitetit ”Insubria” Davide Tosini, në një studim të botuar në fillim të marsit.
Tosi kishte arritur në këtë përfundim, duke vëzhguar paraprakisht ecurinë e infeksioneve në Vuhan. Sipas parashikimeve, tani është e lehtë të pritet një “rrafshim” i kurbës së përgjithshme të pacientëve, dhe më pas mund të nisë një rënie e ngadaltë. Përgjysmimi i rasteve në Itali, pritet të ndodhë në gjysmën e dytë të muajit prill.
S.T
