Ministria e Arsimit, Besa Shahini gjatë një video-live në ‘Opinion’ këtë të martë, sqaroi se do të shihet se si do të jetë situata nga java në javë, dhe në momentin që do Task Forca do të vendos se është e sigurt do të rikthehen në shkollë. Por me siguri Ministria tha se ky vit shkollor do të përfundojë në një mënyrë ose në një tjetër.
Ministria tha se janë parë shumë mundësi të ndryshme nga shtetet si Gjermania dhe Franca të cilat nuk i kanë ndaluar provimet kombëtare, por kanë shqyrtuar gjithashtu edhe modelin e Shteteve të Bashkuara dhe Anglisë të cilat i kanë anulluar provimet kombetare sepse atje i mbyllin më herët provimet, në fund të prillit.
“Unë shpresoj që do kthehemi në shkolla para se të bëjmë provimet kombëtare dhe ta mbyllim këtë vit akademik. Kemi parë dhe modelet e vendeve të tjera, Gjermania dhe Franca nuk i ka anuluar provimet kombëtare. Anglia dhe SHBA ka bërë anulimin e provimeve kombëtare sepse atje i mbyllin më herët provimet, në fund të Prillit. Ne do shohim si do jetë situata nga javë në javë dhe në momentin që Task forca vendos, që është e sigurt të kthehemi ne do të kthehemi aty ku e kemi lënë, të vijojmë aq sa është e mundur përmbajtjen aty ku kemi ngelur dhe ta mbyllim këtë vit shkollor. E rëndësishme është që ky vit do të përfundojë, në një mënyrë ose në një tjetër, sepse nuk duam të penalizojmë nxënësit ose studentët tanë duke e përsëritur edhe një herë vitin. Por natyrisht nëse kjo nuk është e mundur ne do marrim masat që ta mbyllim vitin”./Fjala.al
