Një 37-vjeçare nga Maqedonia ka ndërruar jetë në Klinikën Gjinekologjike dhe Akusheri në Shkup. Dyshohet se gruaja shtatzënë ishte e prekur nga koronavirusi, Covid-19 pasi ajo arriti në klinikë me temperaturë të lartë mbi 39 gradë, ndërsa fetusi i kishte vdekur.
Klinka njoftoi se menjëherë 37-vjecares i është marrë një mostër për Covid-19, ndërsa testi do të konfirmojë ose jo prezencën e koronavirusit.
Njoftimi nga Klinika për Gjinekologji dhe Akusheri:
Pacientes menjëherë i është marrë edhe mostër për Kovid-19. Mjekët në mënyrë operative e nxjerrën fetusin, ndërsa nga barku i nënës është evakuuar qelb. Arsyeja e mundshme për temperaturën e lartë është gjendja septike e pacientes, ndërsa testi do të konfirmojë ose jo prezencën e koronavirusit. Gjatë intervenimit gjendja e pacientes u keqësua me ç’ rast ajo u intubua, u bë reanimim i plotë, por për fat të keq, në orën 22 është konstatuar vdekje. Arsyeja për vdekje me shumë gjasa është sepsa nga tromboembolizmi masiv, ndërsa pacientja do të dërgohet për obduksion, me çka do të ketë diagnozë të saktë.
Sipas KGJA, bëhet fjalë për paciente me mbipeshë, e cila ka peshuar 150 kilogram. Me preson të lartë të gjakut dhe takikardi, e cila në 5 muajt e fundit fare nuk është lëvizur, ndërsa në përputhje me të dhënat nga mjekët nga Ohri, pacientja nuk i ka kryer kontrollet e nevojshme gjinekologjike.
