Kryeministri në detyrë Albin Kurti dha detaje nga takimi me Presidentin Thaçi që zhvilloi sot në orën 10:00.
Ne nje deklaratë për mediat, Kurti tha se gjatë takimit u bisedua për masat të cilat i ka ndërmarrë qeveria ndaj pandemisë COVID-19.
“Ne biseduam për masat që ka marrë Qeveria dhe punët që kemi bërë ne kundër përhapjes së pandemisë COVID-19 dhe angazhimin e shkëlqyer të organeve dhe mekanizmave të shtetit por edhe vullnetarëvë të shumtë si dhe të disiplinës së përgjithshme të qytetarëve tonë” tha Kurti.
Kryeministri Kurti u shpreh gjithashtu se në takim u diskutua edhe për situatën aktuale në për krijimin e qeverisë së re.
“Ne biseduam për situatën aktuale institucionale, meqë rast pyetjeve dhe përpjekjeve të presidentit që të flasim për qeveri të re dhe kandidatura të reja ne jemi përgjigjur për qëndrimin tonë, ne nuk mund të kalojmë diku tjetër dhe të kalojmë nenin 82 pika 2 e Kushtetutës së Kosovës ku thotë se pas mocionit të mosbesimit shkohet në zgjedhje të reja”.
Ai gjithashtu tha se presidenti është zotuar për të respektuar Kushtetutën.
“Presidenti u zotua se do ta respektojë Kushtetutën ligjin dhe praktikat e më hershme”
