Ka filluar takimi ndërmjet presidentit të Kosovës, Hashim Thaçi dhe liderit të Vetëvendosjes, Albin Kurti.
Para nisjes së takimit, Kurti ka thënë shkurt se qëndrimin e tij e ka thënë përmes letrës dërguar presidentit Hashim Thaçi.
Kurti në këtë letër ka thënë se do të diskutojnë se kur është koha e përshtatshme për shpërndarjen e Kuvendit dhe mbajtjen e zgjedhjeve.
“Prandaj, dëshiroj paraprakisht t’ju bëj të qartë, se çështja e vetme për të cilën do të bisedoj sot me ju, është se kur do të jetë koha e përshtatshme për shpërndarjen e Kuvendit, duke marrë parasysh në veçanti gjendjen emergjente të shëndetit publik me të cilën po përballet Republika e Kosovës në këtë kohë”, thuhet në letër.
