Një tërmet me 6.5 magnitudë të shkallës rihter ka goditur Shtetet e Bashkuara të Amerikës.
Sipas mediave amerikane lëkundjet ishin shumë të forta siç duket edhe nga videoja por nuk raportohet për dëme në njerëz apo dëme materiale.
Tërmeti u regjistrua rreth orës 6 pasdite sipas orës lokale e kishte epiqendrën 44 milje nga perëndimi i Challis në Idaho.
Pak më vonë u regjistrua edhe një pas-lëkundje e fuqishme me magnitudë 4.5 të shkallës rihter.
Tërmeti më i madh dhe më i dëmshëm në historinë e Idaho ka ndodhur në vitin 1983 kur një lëkundje me magnitudë 6.9 tronditi qytetin Challis, sipas Zyrës së Menaxhimit të Emergjencave në Idaho.
