Këngëtarja shqiptare Era Rusi ka postuar së fundmi një video teksa shihet duke i çuar ushqime një gruaje të moshuar.
“Kjo ishte gjyshe Albina. Askush nuk duhet të ndihet vetëm në këtë situatë. Nuk na kushton asgjë të gatuajmë një vakt të ngrohtë për ta #adoptonjegjyshe
Telefononi në nr 067 202 3700 për të adoptuar gjyshen apo gjyshin që keni më afër shtëpisë.”- shkruan Era Rusi në postimin e saj.
https://www.instagram.com/p/B-cMeGelt0Z/?utm_source=ig_embed
Por, kjo iniciativë e bërë publike është gjykuar nga disa ndjekëse, që nuk u pëlqen ‘reklamimi’ i bamirësisë, por preferojnë që këngëtarja ta bëjë në heshtje këtë.
“Edhe ti me patjeter duhet ta nxjerresh në insta të tregosh se çfarë ke bërë, dhuro bamirsi, le ta di vetëm zoti jo edhe njerëzit,”- shkruan një komentuese.
“Pa zhurmë do ishte më bukur, nuk e kuptoj pse duhet të regjistrosh vehten duke bërë diçka humane, gjithsesi nënë Albina ta di për Faleminderit”,- vijon një tjetër.
Era Rusi shpjegoi se ishte e nevojshme për të sensibilizuar edhe të tjerët të ndihmojnë të moshuarit pranë shtëpive të tyre.
“Ndërkohë që merresh me mua, gatuaj më mirë diçka dhe çoja një të moshuari afër shtëpisë tënde. Unë kam 10 vjet që merrem me njerëzit në nevojë, kryesisht fëmijë jetim. Ju dini gjë për këtë? Jo, sepse reklama ime nuk do ti kthente prindërit e tyre. Në rastin konkret e bëj për të sensibilizuar të rinjtë, të bëjmë të gjithë nga pak. Ju ftoj dhe ju të gatuani diçka dhe të ndihmoni të moshuarit që ndodhen afër shtëpisë tuaj,”– është përgjigja e këngëtares për ndjekëset, që nuk i pëlqeu ‘reklamimi i bamirësisë’.
