Presidenti i Filipineve, Rodrigo Duterte nuk ndalet me deklaratat e shokuese që lëshon ndaj popullit të tij.
Pasi u mor me qytetarët për të cilët tha se do t’i vriste po t’i gjente në rrugë, tani ka vijuar me mjekët. Për këta të fundit ka thënë se personeli mjekësor që humb jetën gjatë trajtimit të të sëmurëve me koronavirus janë me fat që po vdesin, pasi sipas tij, ata po vdesin për vendin e tyre.
Këto deklarata Duterte i bëri në një dalje televizive drejtuar kombit, i cili është kryesisht në bllokim për shkak të pandemisë.
‘Ka mjekë, infermierë, që vdiqën. Ata që vdiqën ishin duke ndihmuar të tjerët. Ata janë aq me fat. Ata vdiqën për vendin. Kjo duhet të jetë arsyeja pse ne vdesim“, tha ai. “Do të ishte nder të vdisja për vendin tim, ju siguroj”, u shpreh ai duke çuditur jo pak me këtë deklaratë. Ndërsa deri më tani kanë ndërruar jetë të paktën 12 mjekë filipinas.
