Mediat, gazetarët dhe stafet e tyre mbështetëse, të cilët janë në vijën e parë të raportimit, nuk mund të braktisen në këto momente tepër të vështira, thotë presidenti Ilir Meta teksa shpreh mirënjohje për punën e gazetarëve.
“Mirënjohje dhe solidaritet për punën e shkëlqyer heroike dhe atdhetare në shërbim të informimit publik, transparencës dhe mbrojtjes së shëndetit të çdo qytetari”, thekson ai.
Prej ditësh shoqatat e gazetarëve dhe Autoriteti i Mediave Audiovizive i ka bërë thirrje qeverisë që të përfshijë mediat në paketën e ndihmës, pasi njësoj si bizneset e tjera, po vuajnë pasojat e izolimit për shkak të koronavirusit.
