Kompania që bën birrën Corona, Grupi Modelo, ka bërë me dije se ka pezulluar përkohësisht prodhimin e këtij produkti për shkak të Covid-19.
Në një njoftim në “Twitter” kjo kompani theksoi se po ndalon prodhimin dhe tregtimin e birrës së saj, sepse qeveria meksikane ka mbyllur bizneset jo thelbësore.
Qeveria meksikane njoftoi këtë javë pezullimin e aktiviteteve jo thelbësore në sektorin publik dhe privat deri në 30 prill për të frenuar përhapjen e virusit, pasi vendi i tyre ka tashmë më shumë se 1.500 raste dhe 50 vdekje.
Megjithatë në njoftimin e kompanisë që prodhon birrën Corona bëri me dije se lidhja e rastësishme e emrit me virusin thuhet se nuk ka ndikuar në shitblerje. Madje sipas kompanisë, shitjet e produkteve të saj të birrës u rritën 8.9% për tre muajt e parë të këtij viti, me Modelo dhe Corona që ishin më të shiturat, raporton KP.
Duke e krahasuar me të njëjtën periudhë vitin e kaluar, kompania theksoi se ka një rritje me 24% të shitjeve. E njëjta kompani prodhon edhe birrat Modelo dhe Pacifico dhe për shkak të masave ndaj Covid-19 është ndaluar edhe nxjerrja e këtyre të fundit./Fjala.al/
