Në zonën me drita të kuqe të Tokios kanë rezultuar pozitive me Covid-19 dhjetëra punonjëse seksi dhe kanë ngritur alarmin se mund të kenë infektuar qindra klientë të tjerë.
Japonia shënon 2100 raste të prekura me virusin e ri dhe 57 vdekje.
Gazeta vendase Yomiuri Shimbun raportoi se prostituta dhe punonjës të shumë klubeve për të rritur në këtë zonë, janë konfirmuar me koronavirus.
Ata thonë se qindra ose mijëra njerëz mund të kenë marrë infeksionin nga rreth 300,000 njerëz që vizitojnë çdo ditë zonën me drita të kuqe ‘Kabukicho’, ku janë rreth 300 biznese të lidhura me seksin.
Zyrtarët po përpiqen të kuptojnë kush mund të jetë infektuar, por kjo duket mjaft e vështirë pasi askush nuk do të pranojë që ka takuar prostitutat.
