Ursula von der Leyen, Presidentja e Komisionit Evropian, ditën e premte u shpreh se janë duke shqyrtuar me vendet anëtare të BE-së nëse do të hapin apo jo kufijtë pas festës së Pashkëve.
“Ne jemi në konsultim me vendet anëtare se si të vazhdohet përtej Pashkëve”, i tha ajo radio 1 Europe, transmeton Reuters.
Ajo tregoi gjithashtu se buxheti i ardhshëm i BE –se do të marrë formën e një ‘Plani Marshall’ për të nxitur rimëkëmbjen e Evropës nga shpërthimi i koronavirusit.
Dy vendet me numrin më të madh të viktimave nga koronavirusi janë Italia dhe Spanja – të dyja anëtare të BE-së.
Ky diskutim vjen pas mbylljes së kufijve më datë 17 mars për një afat 30-ditor.
