Një shofer autobusi që u kërkoi qytetarëve të jenë më të përgjegjëshëm pasi një pasagjere ishte kollitur pa mbuluar gojën, ka ndërruar jetë.
Jason Hargrove, 50 –vjeç nga Detroit ndërroi jetë më 1prill nga Covid-19. Një zëdhënës i Unionit të Shoferit të Autobusëve në Detroit tha që Hargrove filloi të ndjehej i sëmurë katër ditë pas incidentit me pasagjeren. Ai u fut në karantinë, por shëndeti i tij u përkeqësua deri në vdekjen e tij tragjike të mërkurën.
Është e paqartë nëse koronavirusi që vrau Hargrove u përhap nga pasagjerja që u kollit, por kryetari i bashkisë së Detroit, Mike Duggan tha se vdekja tragjike e shoferit tregoi rrezikun me të cilin përballen punëtorët e transportit publik.
Duggan tha të enjten: ‘Unë nuk e di se si mund të shikosh (videon e Hargrove) dhe mos të prekesh. Ai e dinte që jeta e tij ishte duke u rrezikuar nga dikush që nuk e merrte seriozisht këtë dhe tani ai ka humbur jetën. ‘
Videoja e Hargrove u regjistrua menjëherë pas incidentit me pasagjeren që u kollit, dhe në video ai thotë:‘ Ne jemi jashtë këtu si punonjës publik, duke bërë punën tonë, duke u përpjekur për të siguruar një jetesë të ndershme për t’u kujdesur për familjet tona, por është një papërgjeshmëri e madhe që ju të merrni një autobus dhe të kolliteni gjatë gjithë kohës pa mbuluar gojën, ndërsa dhe e dini që jemi në mes të një pandemie, më lejoni tju them se nuk ju intereson për njerëzimin.’/ Burimi: Metro Përktheu dhe përshtati: Fjala.al
