Pandemia e koronavirusit ka mbyllur thuajse të gjithë botën brenda dhe pyetja që kanë të gjithë është se kur mund të kthehemi sërish në normalitet.
Alessandro Vespignani, një epidemiolog i njohur, drejtor i laboratorit të modelimit në universitetin ‘Northeastern’ në Boston, në lidhje me situatën në Itali ka thënë se duhet durim, pasi vendi fqinj nuk mund të kthehet në normalitet edhe për disa muaj të tjerë.
Duke parë kurbën në Itali, ai thotë për “Corriere della Sera” se duhet të ruhet vigjilenca e lartë.
“Kam parë qytete ku njerëzit po dalin në rrugë. Është e gabuar. Duhet të rezistojmë, shihni Kinën, atje izolimi zgjati tre muaj,” u shpreh mjeku.
Për Italinë, ai thotë rikthimi në normalitet duhet të mendohet nga qershori ose korriku.
Çdo gjë duhet të vijë gradualisht, dhe qytetarët duhet të jenë të kujdesshëm pasi rikthimi në normalitet mund të sjellë një vatër të re infektimesh./Fjala.al/
