“Ti nuk ke asnjë leje, ik tani se do hash burgun. A merr vesh?” Këto janë fjalitë kërcënuese të autoriteteve, me të cilat u përball mbrëmjen e së premtes kapiteni i jahtit “Maltese Falcon” duke u detyruar të largohej edhe pse kishte ardhur për të bërë furnizimet me karburant dhe ushqime.
Jahti në fjalë u fut në portin e Durrësit paraditen e së premtes, por për shkak të kufizimeve kohore ai nuk mundi të bëjë furnizimet e nevojshme deri në orën 13:00 duke kërkuar që të qendrojë në kalatë deri të hënën e kësaj jave, gjë e cila është kundërshtuar nga autoritetet portuale. Madje, punonjës të sigurisë së portit i janë drejtuar kapitenit me kërcënime duke i kërkuar të largohej.
Ky i fundit ka filmuar bisedën me ta, ndërsa pak orë më vonë është detyruar të dalë nga porti i Durrësit, ndërsa sot në mëngjës ka lënë ujërat shqiptare.
E gjithë kjo ngjarja duket të jetë një njollë e zezë për turizmin shqiptar, i cili është shpallur prioritet nga vendi ynë./abcnews
