Kanë dalë përgjigjet e testeve të 95 personave që po qëndronin të izoluar në konviktet e studentëve në Prishtinë. Testimi i këtij grupi, që rezultuan negativ ndaj koronavirusit, u bë dje dhe është grupi i tretë nga Qendra e Studentëve.
Izet Sadiku, infeksionist në Qendrën Klinike Universitare të Kosovës, ka konfirmuar se grupi në fjalë lirohet sot në shtëpi.
“Karantina- COVID 19. Sot është testuar edhe grupi i tretë i personave të vendosur në Karantinë në Qendrën e Studentëve. Janë testuar 95 persona për COVID19 dhe të gjithë janë negativë!Nesër (e diel) ky grup lirohet në shtëpi!#rrinshpi”,- ka thënë Sadiku.
Numri i të infektuarve me koronaivrus në Kosovë ka arritur në 140. Nga ky numër, 23 janë shëruar, ndërsa një ka ndërruar jetë./Fjala.al/
