Ipeshkvi i Mirditës, Dom Gjergj Meta ka folur sot për Javën e Pashkëve, e cila nis këtë të dielë
Në një lidhje me Skype me News 24 ai tregoi se si mund të kremtohet këtë vit për shkak të pasojave të koronavirusit.
Dom Gjergj Meta tha se Pashkët janë “zemra” e krishtërimit.
“Pa Pashkë nuk ka as bekim të krishterë, kjo javë për ne është me rëndësi, pasi përkujton momentin e kryqëzimit, vdekjes dhe rinjgalles së Krishtit”,-u shpreh ai.
Por, këtë vit Dom Gjergj Meta tha se mesha për Pashkët do të mbahet pa besimtarë. Ajo do të transmetohet në disa televizione që ata të kenë mundësi ta dëgjojnë nga shtëpitë e tyre, dhe të luten pikërisht që aty.
“Ne do të kremtojmë meshën në dioqezën e Rrëshenit dhe të gjitha kishat në Shqipëri. Do të jemi me priftërinj por pa popull, mesha do zhvillohet normalisht. Qytetarëve do i komunikojmë oraret që të na ndjekin nga shtëpitë e tyre”,- vijoi ai.
